عاوز تعكنن على مراتك

الصبح و انت رايح شغلك و هى نايمة تعمد اسقاط اى شيئ او اخبط الباب بصوت عالى عشان تصحيها هى كمان اشمعنى انت؟ ولو حاولت ترجع تنام تانى قوللها مادام صحيتى حضرى الفطار بقى و اذا كنت بتتفرج على التليفزيون وهى عايزة تغير القناة قوللها معلشى الحلقة دى مهمة جدا واحد صاحبى شافها على القناة الفضائية و قاللى ان الحلقة دى بالمسلسل كله و لو كنت بتتفرج على ماتش كوره هيبقى الموضوع اسهل بكتير ...... كل ما حد من اللاعبين من اى فريق يمسك الكورة قوللها حاسس ان الكورة دى جون حتى لو كان حارس المرمى ماسك الكورة و الماتش واقف لان فيه واحد مصاب واللى هيساعك على كدة ان معظم النساء ذو ثقافة كروية ضعيفة

اصحى يوم الجمعة بهمة و نشاط و جهز الفطار لزوجتك بس ما تنساش انك تستخدم طبق و اكبر كمية من الملاعق و الشوك و 5 حلل من اللى عندكم فى المطبخ و 10 كوبايات لاعداد طبق بيض و ساندويتش جبنة و طبعا يراعى ترك آثار سمنة على الارض مع ترك التلاجة مفتوحة وقشر البيض فى الحوض

فى عيد ميلادها زينلها تورتة عيد ميلادها بخمسين شمعة و لو سألتك ليه خمسين مع ان عندها عشرين سنه بس اتحجج بضعف الاضاءة فى البيت و انت بتبص على النجفة اللى عندكم اللى فيها 30 لمبة مع ابتسامة صفراء خفيفة

و لو كانت عاملة ريجيم اجرى بسرعة على السوبر ماركت و محلات الحلويات و املا التلاجة شوكولاتة و حويات و جاتوهات و يراعى التجول و انت مستمتع بأكل الجاتوه امامها و لو طلبت منك تنشر الهدوم قوللها حاضر مع ابتسامة حانية و بعد ما تخلص نشر الهدوم ادخل عليها وقوللها انا نازل اجيب الهدوم اللى وقعت منى فى الشارع و لو سألتك هو ايه اللى وقع ؟ قولها كل هدومها اللى كانت مغسولة مع فردة شراب من بتوعك عشان متبقاش مقصودة منك و لو الزوجة قررت مسح الارضيات فى البيت حاول انك تروح و تيجى على المناطق المبلولة متحجج بأنك محتاج تتصل بواحد صاحبك و مرة عشان عطشان ومرة بتجيب الجرنال و مفيش مانع انك تقول انك حاسس ان التليفون هيرن كمان شويه

ولو كانت مشغولة فى نضافة البيت او مع الاولاد و طلبت منك تغسل كوبايتين الشاى بتوع الصبح الموجودين فى الحوض ارجعلها كمان دقيقة من دخولك المطبخ و انت ماسك كوباية من الاتنين و هى مكسورة و اسالها ارمى دى فين؟

و انت قاعد بتتفرج على التليفزيون و هى طالع عينها فى تنضيف البيت و بعد ما تخلص و تيجى يدوبك تقعد تستريح جنبك بصها و قو للها حبيبتى معلشى ممكن كوباية ميه عشان ضهرى بيوجعنى

يللا بقى جرب تعمل كدة و احكى ايه اللى حصل فيك؟؟؟؟؟؟؟؟؟؟

و لو كنت مش متجوز تخيل ايه اللى ممكن يحصل؟؟؟؟؟؟؟

هههههههههههههههههههههههه
حلو اوى المعلومات الخطيره ديه
و لو كنت مش متجوز تخيل ايه اللى ممكن يحصل؟؟؟؟؟؟؟
هيحصل كلا اتى هتخلفلوا عيال كتير ومشهيقدر يطلب حاجه من زوجه
وهيقعد طول النهار على القهوه بسبب العيال وطول الليل مش هيعرف ينام
بسبب صوت التلفزيون العالي وانا انصح كل زوج لاتمشى على هذه الوصف
لانها وصف ناجحه
اشكر المشرفة العامه على هذا الموضوع الجميل والحلو ده

ههههههههههههههههههههههههههههههه
حرام عليكى يا اسماء
انتى عيزاهم ينتقموا مننا ولا ايـــــــــــه
بس بجد جميله اوووووووووى
تسلم ايدك يا قمر

تسلم ايدك على الفرفوشة الجميلة ديه

تسلم ايدك

هههههههههههههههههههههههه

مرسي سمسمة على الموضوع الجميل ده

دمت بخير